Melville-koppies – wat in twee gedeel word deur Beyers Naude-rylaan – beslaan ‘n gebied van sowat 160 ha en sluit ‘n verskeidenheid wandelroetes oor verskillende afstande in. Mense kan self stap of saam met ‘n toergids. Bo teen die Melville-koppies is daar oorblyfsels van ‘n inheemse kraal wat uit die 19de eeu dateer, asook ‘n antieke smeltkroes waar wapens en implemente gemaak is.