Die Hoërskool Noordheuwel se interhuis-atletiekbyeenkoms tussen die Romeine, Spartane en die Germane is verlede week beslis.

Al het daar ’n effense wind gewaai, het die hitte sy tol geëis en so vroeg in die seisoen was die atlete se tye en afstande nog nie briljant nie.

Nogtans was daar puik atletiek en die seisoen wat voorlê, behoort mooi atletiek op te lewer.

By die Hoërskool Monument het die Kudu’s, Kwaggas en Buffels mekaar verlede week op een van die warmste dae dié somer op die atletiekbaan gepak.

Die atletiek op sowel die baan as op die veld was ook vuurwarm.

Van die top-atlete het gewys dat hulle hul reeds voorberei vir die seisoen wat voorlê.

)Kyk op www.wesbeeld.com na nog foto’s van die byeenkomste.