Die DA-stadsraadslid Laurette van Zijl sterk aan in ’n hospitaal in die Suid-Kaap nadat sy op Nuwejaarsdaag  in ’n fratsongeluk op Stilbaai se strand beseer is.

Linus Muller, ook van die DA, sê Van Zijl (van onder meer Windsor) het ernstige beserings aan haar kop en gesig opgedoen toe ’n sweef-branderplankryer (kite surfer) teen haar gebots het.

Sy het skedelbreuke opgedoen en moes ’n operasie ondergaan. Weens bloeding en swelling in haar brein mag sy vir verskeie weke nie reis nie.