Leerlinge aan die Laerskool Florida het onlangs skitterend presteer by die jaarlikse Abacus-wiskunde-kompetisie. Sowat 190 kinders van verskeie Wes-Randse skole van gr. R tot gr. 7 het deelgeneem.

Die eksamen het uit een abakus- en een hoofrekene- vraestel vir elke vlak bestaan.

Simoné van Staden (gr.3) van Florida was die toppresteerder en het met die wentrofee weggestap.

Roslyn van Wyk (gr.3) was die naasbeste en het die kampioentrofee gewen.

Die sussies Dana (gr.3) en Mia Janse van Vuuren (gr.1) het goue medaljes gewen, Ané Malan (gr.R) het ’n silwermedalje gewen en JC Oberholzer en Daniella van Staden (albei vanjaar in gr.1) het bronsmedaljes gewen.